Tehama

MAJUKUMU YA KITENGO CHA KEKNOLOJIA, HABARI NA MAWASILIANO 

(TEHAMA)

Kaimu Mkuu wa Kitengo cha TEHAMA

Jina: Bw.  PETER E. MASASHUA

Simu: +255 (0) 688 302 389

            +255 (0) 762 321 022

Barua pepe: peter.masashua@bukobadc.go.tz

A: UTANGULIZI:

Katika ulimwengu wa sasa wa kidijitali, dunia imezama katika matumizi makubwa ya taarifa na data na kubadilishwa kabisa na teknolojia za kisasa kabisa katika nyanja ya habari na mawasiliano. Matokeo ya muunganiko huu wa taarifa na teknonolojia; Taasisi, mashirika na makampuni yamekua yakipania kuboresha ufanisi wao na hatimaye kuongeza faida.                  

Kama Taasisi, Mashirika na Makampuni mbali mbali yanataka kushika nafasi za juu kabisa katika ushindani wao kiufanisi, kibiashara na kiutendaji kwa ujumla hayana budi basi kutambua umuhimu , nafasi na kazi za Kitengo cha TEHAMA katika kusaidia ukuaji na ufanisi wa taasisi, mashirika na Makampuni yao.

Tufahamau hapa kuwa; Hata vile vitu tunavyoviona kuwa ni vya kawaida kabisa mfano usimamizi wa mfumo wa barua pepe unahitaji uelewa wa kiasi fulani wa masuala ya TEHAMA.

B: MAJUKUMU:

Kimsingi majukumu ya Kitengo cha TEHAMA katika Taasisi yoyote ile ni mengi sana lakini kwa ufupi ni pamoja na;

1. Kubuni na kupanga na kutoa vigezo juu ya aina miundombinu ya TEHAMA itakayopaswa kununuliwa na kutumika kulingana na mahitaji ya Taasisi husika.
2. Kuratibu na kufanya usimamizi wa miundombinu ya TEHAMA katika Taasisi husika.
3. Kuwasaidia watumiaji kuingia na kufanya kazi zao kwa njia zenye usalama na kudhibiti watu wasiohusika kuingia katika mifumo mbali mbali ya Taasisi.
4. Kufanya ukarabati wa vifaa vyote vya TEHAMA katika Taasisi.
5. Kutoa msaada wa kiufundi na kuendesha mafunzo juu ya utumiaji wenye tija wa miundombinu na mifumo ya TAHAMA kwa watumiaji wa ndani na nje ya taasisi.
6. Kuhakikisha usalama wa miundombinu ya TAHAMA  na taarifa zinazotuzwa dhidi ya wadukuzi na washambulizi wa mitandaoni wa ndani na nje ya taasisi.
7. Kusaidia kupatikana kwa taarifa.

C: HITIMISHO:

Kazi za Kitego cha TAHAMA  mtambuka katika Taasisi husikika; hii ikimaanisha kuwa kinahudumia timu nzima yaani idara na vitengo vingine vyote ambavyo kwa namna moja au nyingine vinatumia miundombinu na vifaa vya TEHAMA kama vile simu, tarakishi, vichapishi, virudufishi na vifaa vingine vyote vya kielektroniki katika shughuli zao za kila siku.