NANAUKA AFIKISHA UJUMBE WA RAIS SAMIA KWA VIJANA

Tarehe ya Kuwekwa: January 25th, 2026

Na Abel Shema.

Waziri wa Nchi, Ofisi ya Rais Maendeleo ya Vijana Mh.Joel Arthur Nanauka amefikisha ujumbe wa Rais wa Jamhuri ya Muungano wa Tanzania Mhe.Dkt.Samia Suluhu Hassan alipotembelea shughuli za vijana katika mwalo wa Rubafu,Halmashauri ya Wilaya Bukoba, Januari 25,2026.

Akizungumza na vijana katika mwalo huo Nanauka alieleza Mhe. Rais amedhamiria kuwawezesha kimitaji,kiujuzi na kuwapa fursa vijana ya kutoa sauti na maoni yao, alieleza ili kudhibitisha dhamira hiyo Dkt.Samia aliunda wizara maalum ya maendeleo ya vijana  chini ya ofisi yake inayolenga masuala ya vijana kwa upekee.

Aidha  alisema kuwa wakati wa kampeni Mh.Rais aliahidi kutenga fedha sh bilioni 200 kwaajili ya kuwezesha biashara ndogo, za kati na change zinazoanzishwa na vijana kote nchini.

Mwalo wa Rubafu una vikundi 6 vyenye vijana 53 ambao wanamiliki vizimba takribani 60 na kuajiri vijana wengine 22 ambao sio wanakikundi.